გიორგი ქინქლაძე
გიორგი ქინქლაძე ,,მანჩესტერ სიტის" ღირსებას იცავდა 1995-96 წლების სეზონში. კლუბმა პირველი სამი თვის განმავლობაში ერთადერთი მატჩის მოგება შეძლო, მაგრამ ქინქლაძე მალე გახდა გუნდის გმირი. მაშინ, როდესაც ,,მანჩესტერ სიტი" ჩავიდა ,,მიდლსბროსთან" სათამაშოდ 1995 წლის 9 დეკემბერს, პრესამ და გულშემატკვირებმა ქინქლაძეს უწოდეს მანჩესტერ სიტის ვარსკვლავი. მატჩი მიჩნეული იყო, როოგორც ჯახი ქინქლაძეს და ბრაზილიელ გამთამაშებელ ჟუნინიოს შორის. ქინქლაძემ გახსნა მატჩში ანგარიში ინდივიდუალური კლასის ხარჯზე, მაგრამ საბოლოოდ გამარჯვება დარჩათ მოწინააღმდეგე გუნდის ფეხბურთელებს, ანგარიშით 4-1. თუმცა, ,,მიდლსბროს" გულშემატკივრებმა ქინქლაძეს დაუჭირეს მხარი „სეზონის საუკეთესო მოწინააღმდეგის“ გამოსავლენად. ორი კვირის შემდეგ, 16 მარტს, ქინქლაძემ გაიტანა უაღრესად მნიშვნელოვანი გოლი ,,საუთჰემპტონთან" 2-1 მოგებულ მატჩში. ქინქლაძემ მოატყუა ხუთი ფეხბურთელი, შემდეგ მეკარეც, დეივ ბიზანტიც, ჩამოიშორა და ბურთი კარის ბადეში მოათავსა. გოლი BBC-ს პროგრამა „დღის გოლმა“ „თვის საუკეთესო გოლად“ დაასახელა, „სეზონის გოლის ნომინაციაში“ კი გავიდა მეორე ადგილზე.
წყარო
თემურ ქეცბაია
თემურ ქეცბაია (დ.18 მარტი, 1968, გალი) — ქართველი ფეხბურთელი, 1990-იანი წლების საქართველოს ეროვნული ნაკრების წამყვანი მოთამაშე, მისი ამჟამინდელი მწვრთნელი.
საფეხბურთო კარიერა სოხუმის დინამოში დაიწყო. 1987 წელს პერსპექტიული ნახევარმცველი ქართული ფეხბურთის ფლაგმან თბილისის დინამოში გადავიდა. 1992 წელს კვიპროსულ კლუბში (ფამაგუსტას "ანორთოსისი") გადადის, 1994 წელს კი – საბერძნეტში, ათენის "AEK"–ში ირიცხება, რომლის შემდგენლობაშიც საბერძნეთის ჩემპიონი და ფანების კერპი ხდება.
1997 წელს ქეცბაიას წარმატებული თამაში საბერძნეთსა და საქართველოს ეროვნულ ნაკრებში ინგლისური "ნიუკასლის" სელექციონერებისთვის შეუმჩენეველი არ დარჩა და თემური, როგორც თავისუფალი აგენტი, ჩრდილოინგლისური კლუბის წევრი გახდა. მიუხედავად იმისა, რომ ფანების ფავორიტი იყო და მისმა გოლმა გუნდი ჩემპიონთა ლიგის ჯგუფურ ეტაპზე გაიყვანა, კლუბი მას იშვიათად იყენებდა, განსაკუთრებით კი რუუდ გულიტის მწვრთნელობის დროს. 2000წელს ქეცბაიას სენტ-ჯეიმსის პარკის დატოვება მოუხდა და ქვედალიგელ "ვულვერჰემპტონთან" £900,000-ად აფორმებს კონტრაქტს, თუმცა აქაც დიდხანს ვერ ჩერდება და 2001 წელს შოტლანდიური "დანდის" წევრი ხდება. 2002 წლის ზაფხულს "ანორთოსისში" ბრუნდება მოთამაშე-მწვრთნელად, რომელიც 2008-2009 წლების სეზონში გუნდი ჩემპიონთა ლიგის ჯგუფურ ეტაპზე გაიყვანა. 2009 წელს ქეცბაია პირეოსის "ოლიმპიაკოსის" მთავარი მწვრთნელი ხდება, თუმცა მხოლოდ 4 თვით.
No comments:
Post a Comment